ஊடகங்களுக்கு பேட்டி அளித்த போலீஸ் டி.ஜி.பி: இந்தியாவில் ஆந்திரா மாநிலத்தில்தான் அதிக அளவில் கற்பழிப்பு குற்றங்கள் நடக்கிறது. 2011-ம் ஆண்டு அந்த மாநிலத்தில் 1291 பெண்கள் கற்பழிக்கப்பட்டுள்ளனர். கற்பழிப்புக்குள்ளான பெண்களில் பெரும்பாலானவர்கள் கால்சென்டர்களில் பணிபுரியும் பெண்களும், கிராமத்து பெண்களும்தான். ஒரு பேட்டியில், நிருபர் ஒருவர் “கற்பழிப்பிற்கும் பெண்கள் ஆடை அணிவதற்கும் சம்பதம் உண்டா?”, என்று கேட்டதற்கு பதில் கூறும் போது, இதுபற்றி ஆந்திர மாநில போலீஸ் டி.ஜி.பி. தினேஷ்ரெட்டி கூறியதாவது[1]:-

ஆந்திர மாநில போலீஸ் டி.ஜி.பி. தினேஷ்ரெட்டி கூறியது: பேட்டி என்றாலே, இக்கால நிருபர்கள் பிரச்சினையை உண்டாக்க வேண்டும் என்றே கேள்விகள் கேட்பது வழக்கமாக உள்ளது என்று தெரிகிறது. அதுபோல, நிருபர் கேட்டதற்கு பதில் கூறும் போது, “பெண்கள் சமீபகாலமாக நாகரீகம் என்ற பெயரில் உடலை காட்டும் வகையில் ஆபாசமாக உடை அணிகிறார்கள். கால் சென்டர்களில் பணிபுரியும் பெண்கள், தங்கள் உடலை எந்த அளவுக்கு

மூடி மறைக்க வேண்டும் என்பதை உணர்ந்து கொள்ள வேண்டும். கிராமத்து பெண்களிடம் சல்வார் கமீஸ் அணிவது அதிகரித்து விட்டது. அவர்களும் பாரம்பரிய உடையான புடவையை விடுத்து இத்தகைய வெளிகாட்டும் வகையில் உடைகளை அணிய ஆரம்பித்து விட்டார்கள். இதுதான் ஆண்களின் மனதில் ஆசையைத் தூண்டி கற்பழிப்பு குற்றங்கள் அதிகம் நடக்க காரணமாகி விட்டது”, இவ்வாறு போலீஸ் டி.ஜி.பி. தினேஷ்ரெட்டி கூறினார்.  அது மட்டுமல்லாது, “ஆண்கள் உண்ணும் விஷயங்கள் கூட இக்குற்றங்கள் அதிகமாவதற்கு சம்பந்தம் உள்ளது”, என்றார்[2]. ஆனால், ஊடகங்கள் இதை அப்படியே விட்டுவிட்டன! போலீஸ் அதிகாரியின் இந்த கருத்துக்கு கடும் எதிர்ப்பு கிளம்பியுள்ளது.

திருவாளர் சிதம்பரம் உதிர்த்த முத்துக்கள்: மற்ற முக்கியமான, விஷங்களைப் பற்றி கண்டு கொள்ளாமல் இருக்கும் சிதம்பரம், இதற்கு மட்டும் முந்தி கொண்டு வந்து விட்டார்.. பெண்கள் அமைப்பினர் போராட்டம் நடத்தப் போவதாக அறிவித்துள்ளனர். மத்திய உள்துறை மந்திரி ப.சிதம்பரமும் எதிர்ப்பு தெரிவித்துள்ளார். இது பற்றி அவர் கூறுகையில், “இந்த நாட்டில் உள்ள ஒவ்வொருவருக்கும், அவர்கள் விரும்பியபடி சுதந்திரமாக உடை அணிய உரிமை உண்டு. உயர் போலீஸ் அதிகாரி ஒருவர் பெண்கள் உடை பற்றி கருத்து கூறி இருப்பது எதிர்பாராதது. ஏற்றுக்கொள்ள முடியாது”, என்றார்.

மத்திய உள்துறையை தொடர்ந்த ஆந்திர உள்துறை: ஆந்திர மாநில உள்துறை மந்திரி சபீதாரெட்டி கூறுகையில், “பெண்கள் என்ன உடை அணிய வேண்டும் என்பதை டி.ஜி.பி.யோ, நானோ, அரசோ தீர்மானிக்க முடியாது. கற்பழிப்பு குற்றங்கள் நடக்க பல காரணங்கள் உள்ளன. நாம் பெண்களுக்கான பாதுகாப்பை அதிகரிக்கவே கவனம் செலுத்த வேண்டும்”, என்றார். சந்திரபாபு நாயுடுவும் இதற்கு கண்டனத்தைத் தெரிவித்துள்ளார்[3]. அதாவது பெண்கள் எந்த உடை வேண்டுமானாலும் அணிவார்களாம், ஆனால் கற்பழிப்பு விஷயத்தில் பெண்களுக்கு போலீஸ் பாதுகாப்பு அதிகரிக்க வேண்டுமாம்.

பாராட்டிய பெண் அமைப்புகள்: ஆனால், அதே நேரத்தில் பெண்கள் அமைப்புகளே அவர் சொன்னதை பாராட்டியுள்ளன. “நீங்கள் சரியாகத்தான் சொல்லியுள்ளீர்கள். ஆகையால், நீங்கள் சொன்னதை ஒன்றும் திரும்பப் பெற வேண்டிய அவசியல் இல்லை”, என்று, மகளிர் அமைப்புகளின் சார்பில் அவரை சந்தித்தப் பெண்கள் கூறியுள்ளார்கள்[4].

“நாகரிகம் / பேஷன் என்று சொன்னால், பிறகு ஏன் பள்ளிகளில் அத்தகைய உடைகளை அணிந்து கொண்டு வரக்கூடாது என்று தடை விதிக்கிறீர்கள்”: என்று டி.ஜி.பி சரியான கேள்வியை கேட்டுள்ளார். தான் சொன்னதை ஊடகங்கள் திரித்து கூறுகின்றன என்று டி.ஜி.பி எடுத்துக் காட்டினார். அந்த ஊடகக்கூடுதல் வீடியோவையும் வெளியிட்டு எப்படி நிருபர்

கேட்டதற்கு பதில் சொல்லியுள்ளார் என்பதை விளக்கினார். “சில பிரபலமான பெண்மணிகள் டி.ஜி.பி எப்படி பட்டவர் என்று தெரிந்திருந்தும் வேண்டுமென் ஊடகங்கள் திரித்திக் கூறியதை நற்செய்தியாக எடுத்துக் கொண்டு, குறை கூறியிருக்கிறார்கள்”, என்று பெண்களின் விமர்சனங்களை ஒதுக்கிவிட்டு, “நாகரிகம் / பேஷன் என்று சொன்னால், பிறகு ஏன் பள்ளிகளில் அத்தகைய உடைகளை அணிந்து கொண்டு வரக்கூடாது என்று தடை விதிக்கிறீர்கள்”, என்று கேட்டார்[6]. “சமூக ஆய்வு” என்ற ரீதியில் நான் சொன்னதில் எந்த தவறும் இல்லை. முன்பு, தில்லி மாநில முதலமைச்சர், ஷீலா தீட்சித்தும் இதே கருத்தைத் தான் சொல்லியிருந்தார். ஆகவே, அதிலுள்ள உண்மையான நிலைப்பாட்டை ஆராய வேண்டும்[7].

சென்னையை பொறுத்த வரையிலும் இவ்விஷயம் பழையதுதான்: கல்லூரிகளில் மாணவ, மாணவியருக்கான உடைக் கட்டுப்பாடு சமீப நாட்களில் (2004-2009) பெரும் சர்ச்சையைக் கிளப்பி வருகிறது. சேலை அணிய வேண்டும் என கட்டாயப்படுத்தக் கூடாது என்று கோரி சென்னையைச் சேர்ந்த ஹோமியோபதி கல்லூரி மாணவி போட்டுள்ள வழக்கு பெரும் சலசலப்பை ஏற்படுத்தியுள்ளது.  அண்ணா பல்கலைக்கழகம்தான் முதன் முதலில் இந்த சர்ச்சைக்குப் பிள்ளையார் சுழி போட்டு வைத்தது. அண்ணா பல்கலைக்கழக வளாகத்தில் மாணவர்கள் செல்போன் வைத்துக் கொள்ளக் கூடாது என்று அது போட்ட உத்தரவுக்கு கடும் எதிர்ப்புகள் எழுந்தன. அப்போதைய துணைவேந்தர் விஸ்வநாதன் இதை கடுமையாக அமல்படுத்தினார்.  அதன் பின்னர் பல்வேறு கல்லூரிகளிலும் இதேபோன்ற கட்டுப்பாடு விதிக்கப்பட ஆரம்பித்தது. பின்னர் உடைக் கட்டுப்பாடும் அமலுக்கு வந்தது. மாணவர்கள் பேஷன் டிரஸ்களில் வரக் கூடாது, மாணவிகள் ஆபாசமான உடையி்ல, கவர்ச்சிகரமாக வரக் கூடாது என்று தொடர்ந்து பல்வேறு விதமான தடைகள், கட்டுப்பாடுகள் அமலுக்கு வந்தன. தாடி வைக்கக் கூடாது, கண் புருவத்தை சீர்திருத்தக் கூடாது உள்ளிட்ட தடைகளும் கூட சில கல்லூரிகளில் அமல்படுத்தப்பட்டன[8].

கோர்ட்டுக்கு போன சுடிதார், சல்வார் கமீஸ் போட்ட மாணவி: இந்த நிலையில்தான் சேலை மட்டுமே அணிய வேண்டும், சுடிதார், சல்வார் கமீஸ் போட்டு வரக் கூடாது என சென்னை போரூர் வெங்கடேஸ்வரா ஹோமியோபதி கல்லூரி திடீர் உத்தரவு பிறப்பித்தது. இதை எதிர்த்து அந்தக் கல்லூரியின் ஹவுஸ் சர்ஜன் மாணவியான கமலம் உயர்நீதிமன்றத்தில் வழக்கு தொடர்ந்தார். ஆனால் கோர்ட், “சேலைத்தான் கட்டவேண்டும் என்று பிடிவாதமக இருக்கவேண்டாம்”, என்றுதான் தீர்ப்பு அளித்தது[9]. சேலை கட்டாமல் வந்தால் அவர்களுக்கு வருகைப் பதிவு கிடையாது என்பது கமலத்தின் கல்லூரி போட்டுள்ள உத்தரவாகும். ஆனால் தான் வாழ்க்கையில் இதுவரை சேலையே கட்டியதில்லை, எனக்கு சுடிதார்தான் சவுகரியமானது என்பது கமலத்தின் வாதம்.  இதுபோன்ற வழக்குகளை கோர்ட் நிறைய பார்த்து விட்டது. ஆனாலும் இதுவரை டிரஸ் கோட் என்பது குறித்து இறுதியான, உறுதியான, தீர்க்கமான தீர்ப்பை இதுவரை எந்த கோர்ட்டும் தந்ததில்லை. இதனால்தான் இந்த சர்ச்சைகளும் முடிவில்லாமல் நீண்டு கொண்டுள்ளன.

உடை கட்டுப்பாட்டால் ஆங்கிலோ இந்திய ஆசிரியர்கள் தடுமாறினராம்: 2004ம் ஆண்டு தி.நகரைச் சேர்ந்த ஒரு பள்ளியில், ஆசிரியைகள் கண்டிப்பாக சேலையில்தான் வர வேண்டும் என உத்தரவிடப்பட்டது. அதேபோல ஆசிரியர்கள் பேன்ட் மற்றும் முழுக் கை சட்டை அணிந்துதான் வர வேண்டும் என உத்தரவு பிறப்பிக்கப்பட்டது. ஆனால் இந்த உத்தரவைக் கடைப்பிடிக்க முடியாமல் நான்கு ஆங்கிலோ இந்திய ஆசிரியர்கள் தடுமாறினர். தங்களது ஆட்சேபத்தைத் தெரிவிக்கும் வகையில் வேட்டி, சட்டை அணிந்து வந்து போராட்டம் நடத்தினர். இதையடுத்து வேட்டி, சட்டை அணிந்து வந்தால் தினசரி ரூ. 25 அபராதம் தர வேண்டும் அவர்களுக்கு பள்ளி நிர்வாகம் அபராதம் விதித்தது.

ஒழுக்கத்தை கொண்டு வரும் வகையில்தான் உடைக் கட்டுப்பாடு விதிக்கப்படுகிறது – கோர்ட் விளக்கம்: 2004ம் ஆண்டு பிப்ரவரி மாதம் சென்னை உயர்நீதிமன்றத்தின் டிவிஷன் பெஞ்ச் இதுதொடர்பாக ஒரு உத்தரவைப் பிறப்பித்தது. அது ஆசிரியர்களுக்கு பாதகமாக இருந்தது. தனியார் பள்ளிகள், தங்களது ஆசிரியர்களுக்கு உடைக் கட்டுப்பாட்டை விதிக்க முழு உரிமை உண்டு. ஆசிரியர்கள், பாடம் எடுப்பது மட்டும் அவர்களது கடமை அல்ல. மாறாக மாணவர்கள் மத்தியில் ஒழுக்கத்தையும் அவர்கள் போதிக்க வேண்டிய பொறுப்பில் உள்ளனர். மாணவர்களுக்கு மட்டுமல்லாமல், ஆசிரியர்கள் மத்தியிலும் ஒழுக்கத்தை கொண்டு வரும் வகையில்தான் உடைக் கட்டுப்பாடு விதிக்கப்படுகிறது என அந்தத் தீர்ப்பு கூறியது.

கதர் ஆடை அணிந்ததால் தண்டனை! ஆனால் 2008ம் ஆண்டு நவம்பர் மாதம் இதே உயர்நீதிமன்றம் வேறு மாதிரியான ஒரு தீர்ப்பை வழங்கியது – வேறு ஒரு வழக்கில். சென்னை விமான நிலைய ஆணையகத்தில் பணியாற்றி வரும் பெண் ஊழியர் ஒருவர் மகாத்மா காந்திக்கு மரியாதை செலுத்தும் வகையில் கதர் உடையில் வந்ததால் அவரை தண்டித்தது விமான நிலைய ஆணையகம். இதை எதிர்த்து அவர் வழக்கு தொடர்ந்தார். அதற்குப் பதிலளித்த விமான நிலைய ஆணையகம், நாங்கள் தரும் பாலியஸ்டர் மற்றும் சிந்தெடிக் ஆடைகளைத்தான் அணிய வேண்டும் என்பது ஆணையகத்தின் விதி என்றனர். அதை விசாரித்த நீதிபதி சந்துரு, விமான நிலைய ஆணையகத்தின் உத்தரவு மிகவும் மோசமானது, சர்வாதிகாரமானது.  சுதந்திர இந்தியாவில் கதர் ஆடை அணிவது குற்றம் என்று கூறுவதை நினைத்துக் கூட பார்க்க முடியவில்லை.  சம்பந்தப்பட்ட பெண் ஊழியரை விமான நிலைய ஆணையகம் தேவையில்லாமல் துண்புறுத்தியுள்ளது. அவரை வேட்டையாடியுள்ளது. ஆணையகத்தின் உத்தரவு சட்டவிரோதமானது, அரசியலமைப்புச் சட்டத்திற்குப் புறம்பானது என்று தீர்ப்பளித்தார்.

தலிபான்கள் இந்த நாட்டில் உலவுவதை நாம் அனுமதிக்க முடியாது[10]: இதேபோல சுப்ரீம் கோர்ட்டில், மத்தியப் பிரதேசத்தசைச் சேர்ந்த முகம்மது சலீம் என்பவர் ஒரு வழக்கு போட்டார். தான் நீண்ட தாடி வளர்க்க விரும்புவதாகவும், ஆனால் கல்லூரி நிர்வாகம் அதை அனுமதிக்க மறுப்பதாகவும் கூறியிருந்தார். இந்த வழக்கை விசாரித்த நீதிபதி மார்க்கண்டேய கட்ஜூ, மாணவரின் கோரிக்கையை டிஸ்மிஸ் செய்தார். இதுதொடர்பாக அவர் கூறுகையில், மாணவர்கள் முகச் சவரம் செய்து நீட் ஆக வர வேண்டும் என கல்லூரி நிர்வாகம் உத்தரவிட்டிருப்பதில் என்ன தவறு. இந்த நாட்டில் தலிபான்கள் உலவுவதை நாம் அனுமதிக்க முடியாது. நாளையே ஒரு மாணவி வந்து, நான் பர்க்கா அணிய அனுமதிக்க வேண்டும் என்று கேட்டால் அனுமதித்து விட முடியுமா. உரிமைகளுக்கும், தனிப்பட்ட நம்பிக்கைகளுக்கும் இடையே சம தூரத்தை கடைப்பிடிக்க வேண்டும். இதுபோல கோரக் கூடாது என்றார்.

கண் புருவத்தை சீர்திருத்தியும், லிப்ஸ்டிக் பூசியும் கல்லூரிக்கு வந்ததால் “அவுட்”: மே 2009ல் பஞ்சாப் – ஹரியானா உயர்நீதிமன்றம் ஒரு பரபரப்பு தீர்ப்பை அளித்தது. ஷிரோமாணி குருத்வாரா பிரபந்தக் கமிட்டிக்கு சொந்தமான கல்லூரியில் படிக்கும் மாணவி, கண் புருவத்தை சீர்திருத்தியும், லிப்ஸ்டிக் பூசியும் கல்லூரிக்கு வந்ததால் அவரை கல்லூரியை விட்டு நீக்க முடிவு செய்து உத்தரவிட்டது. இதை எதிர்த்து அந்த மாணவி தொடர்ந்த வழக்கில், கல்லூரி நிர்வாகத்திற்கு ஆதரவாக தீர்ப்பளித்தது பஞ்சாப் – ஹரியானா உயர்நீதிமன்றம். தற்போது வக்கீல்களுக்கு உடைக் கட்டுப்பாடு உள்ளது. அதை மீறினால் தண்டனை உண்டு. ஆனால் இந்த உடைக் கட்டுப்பாடு படு தெளிவாக உள்ளதால், எந்தவிதக் குழப்பமும் இல்லை. உடைக் கட்டுப்பாட்டை யாரும் மீறுவதும் இல்லை. ஆனால் கல்வி நிறுவனங்களில் எந்த உடை அணிந்து வரலாம், எதை அணியக் கூடாது, எது ஆபாசம், எது சட்டவிரோதம் என எந்த தெளிவான விதிகளும், வழிகாட்டிகளும் இல்லை.  இதுகுறித்து ஒரு மூத்த நீதிபதி கூறுகையில், முதலில் சட்டமே இல்லை என்கிறபோது, சட்டவிரோதம் என்று நாம் எப்படிக் கூற முடியும் என்கிறார்.  உடைக் கட்டுப்பாடு குறித்து சம்பந்தப்பட்ட மாநிலத்தின் கலாச்சாரம், கல்வி நிறுவனங்களின் சூழ்நிலை, மாணவ, மாணவிகளின் சவுகரியம் உள்ளிட்ட அனைத்து அம்சங்களையும் ஆராய்ந்து, மாணவ, மாணவிகள் மீதான கட்டுப்பாட்டை அறிவிப்பதற்கு முன்பு பெற்றோர்கள், ஆசிரியர்கள் உள்ளிட்டோரின் ஆலோசனைகளைப் பெற்று அவற்றை அமல்படுத்துவதே குழப்பங்கள் எழாமல் இருக்க ஒரே வழி.

ஆபாசப்படங்கள், விளம்பரங்களின் நிலை என்ன? பெண்களின் மீது ஏன் அதிகமான குற்றங்கள் நடக்கின்றன என்று, அரசு வெளியிட்டிருந்த அறிக்கையின்[11] மீதான கட்டுரையை நான் ஏற்கெனெவே பதிவு செய்துள்ளேன்[12]. பெண்களை வைத்துக் கொண்டு சினிமா, கொச்சையான விளம்பரங்கள், ஆபாசப் படங்கள், புளூ பிளிம்கள் / ஊதா சினிமாக்கள், நடனங்கள், விபச்சாரம்,  என பல நிகழ்ச்சிகள், செயல்பாடுகள் நடந்து கொண்டிருக்கின்றன. இவையெல்லாம் கூடாது, பெண்களை கேவலப்படுத்துவது, அசிங்கப்படுத்துவது, செக்ஸ்-பொருள்களாக மதிக்கிறது என்றால், அவற்றை ஏன் பெரிய கம்பெனிகளே ஊக்குவிக்கிறது? கோடிக்கணக்கில் பணத்தை செலவிட்டு, பதிலுக்கு பொருட்களை விற்று பணத்தை அள்ளுகிறது? அதில் பெண்களின் பங்கு இல்லாமல், ஒன்றும் நடக்காது. அத்தகைய விஷயங்களில் பெண்கள் ஈடுபடுகிறர்கள் எனும்போது, அதற்கு என்ன காரணம் என்று பெண்கள் கூற வேண்டும். ஆண்கள் தாம் காரணம் என்று கூறி தப்பித்துக் கொள்ள முடியாது. இல்லை வறுமை என்று பொருளாதார காரணத்தைச் சொல்ல முடியாது, ஏனென்றால், இன்று பணத்திற்காக மட்டுமல்லாது புகழிற்காக பணக்காரப் பெண்களே அத்தகைய விஷயங்களில் ஈடுபடுகிறார்கள். சும்மா இருக்கும் எந்த ஆணும் எந்த பெண்ணிடமும் சென்று செக்ஸ் வைத்துக் கொள் என்று கூறிக் கொண்டு செல்ல மாட்டான். பெண்ணும் அப்படியே ஒப்புக் கொள்ளா மாட்டாள். ஆகவே மனோதத்துவ ரீதியில் ஆராய்ந்தால், அதன்படி விளக்கம் கொடுக்க வேண்டும், தீர்வு காண வேண்டும். குற்றவியல் என்று பார்க்கும் போது, மனோதத்துவ ரீதியில் எல்லா காரணங்களும் எடுத்துக் கொள்ளப் படும். பிறகு தான், முக்கியமான காரணம் எது என்று ஆராயப் படும். காலக்கட்டங்களில், குறிப்பிட்ட காரணி தான் காரணம் என்றால், அதனை அவர்கள் எடுத்துக் காட்டுவார்கள். அத்தகைய நிதர்சனத்தை, யதார்தத்தை ஏற்றுக் கொள்ள வேண்டும்.

முலைகளை / மார்பகங்களை, இடுப்பை, பெண்குறியைக் காட்டக் கூடாது என்று யாராவது சட்டத்தையா கொண்டு வர முடியும்? “நாகரிகம்” என்றால் என்ன, “நாகரிகமாக உடை அணிவது என்றல் என்ன”  என்றெல்லாம் சொல்லிக் கொடுக்கவா வேண்டும்? இல்லை, முலைகளை / மார்பகங்களை, இடுப்பை, பெண்குறியைக் காட்டக் கூடாது என்று யாராவது சட்டத்தையா கொண்டு வர முடியும்? அப்படியும் எடுத்து வந்தால், எந்த அளவிற்கு காட்டலாம், காட்டக் கூடாது எனெல்லாம் வரையறுத்துக் கொண்டிருக்க முடியுமா? பிறகு, அதற்கும் நியாயம் கற்பித்து பேச ஆரம்பித்து விடுவார்கள். “நிர்வாணம்” என்றால் என்ன என்று பேசவந்தாலும் ஆச்சரியப்படுவதற்கு ஒன்றும் இல்லை.

வேதபிரகாஷ்

06-01-2012

காங்கிரஸ் ஆட்சியாளர்கள் இன்று (25-01-2011) ஏதோ அறிக்கை வெளியிடப்போகிறோம் என்று டாமாரம் அடித்தனர், ஆனால், அந்த அறிக்கையில் ஒரு மண்ணும் இல்லை. ஏற்கெனெவே தெரிந்த விவரங்களை, சப்பைக் கட்டி எழுதியுள்ளது நன்றாகவே தெரிகின்றது[1]. இப்பொழுதுள்ள சட்டதிட்டங்களின் படி, எந்த நடவடிக்கையும் எடுக்கமுடியாது என்ற அப்பட்ட பொய்யைச் சொல்லி, இந்தியர்களை ஏமாற்றப் பார்க்கின்றனர்[2]. லைசென்ஸ்டெயின்[3] போன்ற குட்டி நாடே, எந்த தகவலையும் தரமுடியாது என்று மறுத்துவிட்டது[4].

மார்ச் 2009: உச்சநீதிமன்றத்தில், நிதியமைச்சகம் சார்பில் அஃபிடேவிட் தாக்கல் செய்யப்ப்பட்டதில் ரூ.76,000 கோடிகள் ஹசன் அலி என்பவனால் போடப்பட்டிருக்கிறது என்று குறிப்பிட்டுள்ளது. இவன் நூற்றுக்கணக்கான குதிரைகளை வைத்துக் கொண்டு, குதிரைப்பந்தய சூதாட்டம் நடத்தி வருகிறான். இதைத்தவிர மற்ற சூதாட்டங்கள், சட்டமீறல் காரியங்களை செய்து வருகிறான். ஆனால், அவன் பிடிக்கப்படவில்லை. ஏனெனில், காங்கிரஸுக்கு வேண்டிய ஆள். புனேவில், குதிரை ரேசில் உட்கார்ந்து கொண்டு பணத்தை கொடுப்பதைப் போன்ற காட்சிகள் தில்லி தொலைக்காட்சிகள் காட்டின[5].

ஜனவரி 2011: ருடால்ஃப் எல்மெர் வெளிப்படுத்திய கருப்புப் பணமுதலைகள்: ருடால்ஃப் எல்மெர் என்ற ஸ்விஸ் வங்கி ஊழியர் பில்லியன் கணக்கில் வரியேய்ப்பு செய்து, அதிலிருந்து பெறப்பட்ட, கருப்புப் பணத்தை, பல நாடுகளிலிருந்து, ஸ்விஸ் வங்கியில் போடப்பட்டுள்ளதைக் கண்டு பிடித்துள்ளார். அவற்றின் விவரங்களை ஒரு சிடியில் பதிவு செய்து, ஜூலியன் அசாஞ், விக்கிலீக் அதிபரிடம் வெளிப்படையாக நடந்த நிகழ்ச்சியில் கொடுத்தார்.

இந்தியாவின் கருப்புப் பணமுதலைகள்:  அவற்றில் இந்தியாவிலிருந்தும் பணம் போட்டவர்களின் விவரங்கள் உள்ளன என்பதை, ருடால்ஃப் எல்மெர் கூறியுள்ளார். குறிப்பாக, ஆஸாத் அலி கான், ஜெஹிதா கான், ஜே. எம். ஐ. ஜிலானி, அன்னபூர்னா குழுமம்[6], என்ற பல பெயர்கள் ஒரு குறிப்பிட்ட கோப்பில் இருக்கின்றன. இதை ஊடகங்கள் காண்பித்து வருகின்றன. குறிப்பாக கேமேன் தீவுகளில் (Cayman islands, Switzerland) உள்ள வங்கிகளில் போடப்பட்டிருப்பதாக வங்கி கணக்கு எண்களுடன் விவரங்கள் உள்ளன. ஆனால், இவர்கள் யார், எவ்வாறு கருப்புப் பணத்தைப் பெற்றனர், எப்படி அது இந்தியாவிலிருந்து வெளியே சென்றது, ஸ்விஸ் வங்கிகளில் போடப்பட்டது முதலிய விவரங்கள் மர்மமாகவே இருக்கின்றன.

பில்லியன்களில் மோசடி செய்யும் ஹசன் அலி கான்: ஆகஸ்ட் 4, 2009 அன்று பாராளுமன்றத்தில் இவன் ரூ. 50,000 கோடிகள் வரி கட்டாமல் பாக்கி வைத்திருக்கிறான் என்ற தகவலை வெளியிடப் பட்டது. இவன் தாவூத் இப்ராஹிம் கூட்டாளி. ஹவாலா, பணத்தை மாற்றுவது / சலவை செய்வது – கருப்பை வெள்ளையாக்குவது[7] போன்ற காரியங்களில் சம்பாதித்த கருப்புப் பணமான, ரூ . 30,000 கோடிகளை ஸ்விஸ் வங்கிகளில் போட்டுள்ளான்[8]. ராஜிவ் கொலை வழக்கை விசாரிக்கும் போது, எல்.டி.டி.ஈக்கு ஆயுதங்களை சப்ளை செய்த அட்னன் கஸ்ஸோகி என்ற சவுதி அரேபியனுடைய தொடர்பும் வெளிப்பட்டது. ஹஸன் அலி கானின் மேல் ரூ 100 பில்லியன் ஹவாலா வழக்கு ஒன்று ஜனவரி 2007ல், அமுலாக்கப் பிரிவினர் போட்டனர். 2010ல், இவன் கைது செய்யப்பட்டாலும், இன்று வெளியில் உள்ளதாகத் தெரிகிறது. இவனிடத்தில் மூன்று பாஸ்போர்ட்டுகள் உள்ளன., தவிர சண்டிகர் மற்றும் கௌஹாத்தி நகரங்களினின்றும், பாஸ்போர்ட் விண்ணப்பித்துள்ளான். அதற்காக 2008ல் ஒரு வழக்கை பதிவு செய்தனர்[9]. ஆனால், காங்கிரஸுக்கும், இவனுக்கும் உள்ள தொடர்பினால், இவன் மீது கடுமையாக அல்லது, தொடர்ச்சியாக, எந்த நடவடிக்கை, விசாரணை முதலியவற்றை செய்யாமல், ஏனோதானோ என்றுதான் வேலைசெய்கின்றனர். இன்றுதான் (25-01-2011), அவன்மீது நடவடிக்கை எடுப்பதைப் பற்றி யோசிக்கிறோம் என்கிறார், திருவாளர் பிரணாப் குமார் முகர்ஜி!

குழந்தைகளுடன் ஒபாமா தம்பதியர் ஆடிய ஆட்டம்: ஒபாமா ஆடிய ஆட்டத்தைப் பார்த்து நிச்சயமாக இந்திய அரசியல்வாதிகள் ஆடியே போய் விட்டனர். “பாடுவோர் பாடினால் ஆடத்தோன்றும்” என்ற பாட்டுதான் ஞாபகம் வந்தது. நிச்சயமாக நாத்திக கருணாநிதியே இதை பார்க்கும் போது, பொறாமைப் பட்டிருப்பார். இப்பொழுதுகூட சக்கர நாற்காலியை விட்டு எழுந்திருக்க முயற்சி செய்திருப்பார். ஆனால், தமிழர்களுக்கு தீபாவளியே தேவையில்லை என்று சிலர் கூறுகின்றனர்! தீபாவளி வரும்போதெல்லாம் அவர்களுக்கு தீபாவலி வந்து விடும்!

எளிமையான உடையில் வந்த தம்பதியினர்: ஒபாமா மிகவும் எளிமையுடன் ஒரு வெள்ளை சர்ட் மற்றும் கருப்பு பேன்ட் என்ற ரீதியில் வந்திருந்தார். டைக்கூட கட்டவில்லை. இதைப் பார்த்த சஃபாரி போட்ட நம்மூர் அரசியல்வாதிகள் எல்லாம் வெட்கப்பட்டுப் போய் விட்டனர். சவான் ஏதோ செக்யூரிடி ஆபிஸர் மாதிரி காட்சியளித்தார். மிட்செல்லும் அப்படித்தான். நம்ம ஊர் பெண்கள் என்றால் சொல்லவே வேண்டாம்!

தீபாவளி வாழ்த்தும் (2009), கொண்டாட்டமும் (2010): சென்ற வருடமே ஒபாமா இந்தியர்களுக்கு தீபாவளி வாழ்த்து தெரிவித்திருந்தது ஞாபகம் இருக்கலாம். இப்பொழுது இந்தியாவிற்கு வந்து விளக்கேற்றி தீபாவளியை கொண்டாடியுள்ளார். இந்த வருடம் இப்படி இந்தியாவிற்கு வந்து தீபாவளி கொண்டாடி, குழந்தைகளுடன் ஆடி மகிழ்வார், மகிழ்விப்பார் என்று யாரும் எதிர்பார்த்திருக்க மாட்டார்கள். ஒபாமா-மிட்செல் தம்பதியினர் தீபாவளி கொண்டாடியதை குழந்தைகள் நிச்சயம் வாழ்வெல்லாம் நினைவு கொள்வர். நம்மூர் அரசியல்வாதிகளுக்கோ வாழ்த்துச் சொல்லவே வலியெடுத்துள்ளது. குடிக்கக் கஞ்சி கூட கிடைக்காது என்ற பயமோ என்னமோ/

மிட்செல் குழந்தைகளுடன் விளையாடியது: மிட்செல் மிகவும் சாதாரணமாக குழந்தைகளுடன் “பாண்டி” விளையாடினார். செருப்பை அவிழ்த்து வைத்து விட்டு கட்டங்களில் குதித்து தாண்டியபோது, குழந்தைகள் கைக்கொட்டி மகிழ்ச்சியுடன் ஆர்பரித்தனர். எந்த ஜனாதிபதியும், அரசியல்வாதியும் அல்லது அவர்களது மனைவியும் இப்படி தங்களுடன் ஆடி மகிழ்வர் என்று கனவிலும் எதிர்பார்த்திருக்க மாட்டார்கள்.

ஒபாமாவிற்கு கேட்கப்பட்ட முதல் கேள்வி: சேவியர் காலேஜில், துடிப்புடன் ஓடி வந்து மமடையேறிய ஒபாமாவை, அவரது மனைவியே அறிமுகப்படுத்தி வைத்தார். அவர் பேசியதைப் பார்த்து ஒபாமாவே ஆடி போய்விட்டார். அப்படி அழகாக பேசினார். ஆனால், முதன்முதலாக அவருக்குக் கேட்கப் பட்ட கேள்வியில் கொஞ்சம் ஆடிவிட்டார் எனலாம். ஆமாம், ஒரு மாணவி, “ஜிஹாதியைப் பற்றி தாங்கள் என்ன நினைக்கிறீர்கள்?”, என்று கேட்டு விட்டாள். சிதம்பரம் மகிழ்ந்திருப்பார், நன்றாக மாட்டிக் கொண்டார் என்று, இல்லை தன்னை அப்படி கேட்டிருந்தால் தமுமுகவிடம் சொல்லி போட்டு கொடுத்திருப்பார்.

சிதம்பரமும்-கருணாநிதியும்; இதையெல்லாம் கண்டு கொள்ளாமல் இருவரும் “மரியாதை நிமித்தமாக” பேசிக் கொண்டராம்! நல்ல வேடிக்கைதான். ஆட்டம்-பாட்டம் கண்டு கொத்தித்து போய் இருப்பர். எப்படியிருந்தாலும், இந்திய அரசியல்வாதிகளுக்கு அத்தகைய நாகரிகம் முதலியவற்றை கற்றுக் கொண்டு மக்களிடம் பழகுவார்களா என்பது சந்தேகமே!

20 பில்லியன் வியாபாரம் இந்தியாவுடன், 20 பில்லியன் இலவசமாக பாகிஸ்தானிற்கு: இக்த்தகைய அரசியலும் இந்த ஆட்டப்பாட்டங்களுக்குப் பின் உள்ளது. “ஜிஹாதை”ப் பற்றி கேட்டபோது பதில் அளித்துள்ளதிலும், மற்றும் இந்திய-பாகிஸ்தான் உறவு பற்றி கேட்ட கேல்விக்கும் பதில் அளித்துள்ளதிலும் பொடி வைத்துதான் பதில் கூறியுள்ளார்.

வேதபிரகாஷ்

© 07-11-2010

ஹார்வர்டு பல்கலைக்கழகத்தின் வணிகத்துறைக்கு டாடா குழுமம் சுமார் 220 கோடி ரூபாய் நன்கொடை: அமெரிக்காவில் உள்ள புகழ்பெற்ற ஹார்வர்டு பல்கலைக்கழகத்தின் வணிகத்துறைக்கு டாடா குழுமம் 5 கோடி டாலர் / சுமார் 220 கோடி ரூபாய் நன்கொடை வழங்கியுள்ளது! அந்த பல்கலைக்கழகத்தின் 102 ஆண்டு வரலாற்றில், நன்கொடையாக வழங்கப்பட்ட தொகையில் இதுவே மிக அதிகமானது என்பது குறிப்பிடத்தக்கது. இந்த நன்கொடை தொகை மூலம் பாஸ்டன் நகரில் உள்ள பல்கலை. வளாகத்தில் புதிய வகுப்பு மற்றும் குடியிருப்புகளுக்கான கட்டடம் கட்டப்படும் என்றும், அதற்கு டாடா ஹால் என பெயர் சூட்டப்படும் என்றும் அறிவிக்கப்பட்டுள்ளது.

ரதன் டாடா அங்கு படித்தாராம்: டாடா குழுமத்தின் தலைவர் ரத்தன் டாடா, 1975-ல் அங்கு மேலாண்மை குறித்த முதுநிலை படிப்பை படித்தார். மேலும், பல்கலையின் சாதனை மாணவர் என்ற விருதையும் பெற்றுள்ளார். இந்தியாவைச் சேர்ந்த நிதின் நொஹ்ரியா, ஹார்வர்டு வணிகத்துறையின் தலைவராக தற்போது உள்ளார். டாடாவின் மிகப்பெரிய நன்கொடைக்கு அவர் மகிழ்ச்சி தெரிவித்துள்ளார்.  டாடா குழுமன் 98 கம்பெனிகளை வைத்துக் கொண்டு $71bn (£46bn) விற்பனை வருமானம் கொண்டுள்ளது. 1991ல் ரதன் டாடா தலைவராக வந்தகும் குறைந்த வருமானம் ஈட்டி வந்த டாடா இரும்பு ஆலையின் நிர்வாகத்தை மாற்றி அமைத்தார்[1].

மஹேந்திரா 10 மில்லியன்$ என்றால்டாடா 50 மில்லியன்$! கடந்த வாரம், மஹேந்திரா குழுமத்தின் தலைவர் ஆனந்த் மஹேந்திரா, ஹார்வர்டு பல்கலைக்கழகத்துக்கு 1 கோடி டாலர் நன்கொடையாக வழங்கினார். அவர் ஹார்வர்டில் தனது இளநிலை மற்றும் முதுநிலைப் பட்டப் படிப்பை படித்தார்.

மைக்கேல் விட்செல் நன்கொடை கேட்டதற்கும் இதற்கும் ஏதாவது சம்பந்தம் இருக்கிறதா? சமீபத்தில் (ஜூலை-ஆகஸ்ட் 2009) ஹார்வார்ட் பல்கலைக்கழகத்திலிருந்து மைக்கேல் விட்செல் என்ற சமஸ்கிருத பேராசிரியர் அங்கு பலதுறைகள் பணம் இல்லாததினால் மூடப்படும் நிலையில் உள்ளன என்று சொல்லி நன்கொடை வசூலிக்க வந்திருந்தார்[2]. அப்பொழுது அந்த விஷயத்தைக் கேட்டப்போது, “அமெரிக்கர்கள் ஒன்றும் அந்த அளவிற்கு வந்துவிடவில்லை” என்று நக்கலாக அவர் சொன்னதோடு, தமது நண்பர்களுடன் ஈ-மெயிலில் கிண்டல் அடித்துக் கொண்டும் இருந்தார்[3].

ஹார்வார்ட் பல்கலைக் கழகத்தில் அத்தகைய பணமுடை இருந்தது உண்மை[4]: விவரங்களுக்கு, கீழாயுள்ளதை பார்க்கவும், படிக்கவும்:

கடந்த 373 / 374 ஆண்டுகளில் அது இப்படியொரு நிதி நெருக்கடி நிலையை அடைந்துள்ளது எனும் போது, 102 வருடங்களில் இதுதான், மிகவும் அதிகமான நன்கொடை என்று ஏன் இந்தியர் கொடுக்க வேண்டும்? டாடா வேண்டுமானால், டாடாவாக இருக்கலாம், ஆனால், அமெரிக்கா ஒன்றும் ஏழைநாடு இல்லையே? அமெரிக்காவில் உள்ளவர்கள் இதே போல இந்திய பல்கலைக் கழகங்களுக்கு அள்ளிக் கொடுப்பார்களா?

“இல்லாத மக்களுக்கும் இலவச கைபேசி!” இப்படியொரு விளம்பரம்! தமிழில் பல நேரங்களில் நம்மக்கள் எப்படி வேண்டுமானாலும் படித்து பொருள் கொள்ள ஆரம்பிக்கின்றனர். ஆக, இங்கு விளம்பரத்தில் இருப்பதை இப்படி படிக்கலாம்:

1. “இல்லாத மக்களுக்கும் இலவச கைபேசி!”: வறுமைக் கோட்டின் கீழ் வாழும் மக்களுக்கு என்ற நிலையில், பணம் இல்லாத மக்கள், ஏழைகள் என்று பொருள் கொள்ளலாம்.

2. “இல்லாத மக்களுக்கும் இலவச கைபேசி!”: ஏற்கெனவே, கோடிகளில் ஊழல் என்றிருப்பதால், “இல்லாத மக்களுக்கும்” அதாவது, இல்லாத மக்கள், இருப்பதைப் போலக் காட்டி, இலவச கைபேசி வழங்குகிறேன் என்று வழங்கி, மேலும் ஊழல் செய்தாலும் ஆச்சரியப்படுவதற்கு இல்லை!

இலவச கைபேசி - பட்டினியா கவலையில்லை, பேசு பேசிக்கொண்டே இரு

வாழ்க,

வறுமைக் கோடு

வறுமைக் கோட்டின் கீழ் வாழும் மக்கள்

இல்லாத மக்கள்!

“இல்லாத” மக்கள்!

பட்டினியா, கவலைப் படாதே!

பேசு, பேசிக் கொண்டே இரு,

இதோ, சுடுகாடு வந்து விட்டது!

திருப்பூரில் ஸ்பெக்ரம் ஊழல் குற்றாஞ்சாட்டப்பட்டுள்ள ராஜா இலவச போன் வழங்கிவிட்டாராம்!: மத்திய அரசு அறிமுகப்படுத்தியுள்ள, வறுமைக் கோட்டுக்குக் கீழ் வசிப்போருக்கான இலவச செல்போன் வழங்கும் திட்டம் இன்று திருப்பூரில் தொடங்கி வைக்கப்பட்டது. திருப்பூர் மாவட்டம் பாலக்கரை அவினாசியில் வறுமைக் கேர்ட்டிற்கு கீழ் வாழம் ஏழை மக்களுக்கு, இலவச செல்போன்கள் வழங்கும் திட்டத்தின் தொடங்க விழா நடைபெற்றது. அமைச்சர் சாமிநாதன் முன்னிலையில் நடைபெற்ற இந்த விழாவில், மத்திய தொலைதொடர்புத்துறை அமைச்சர் ஆ.ராசா பயனாளிகளுக்கு வழங்கினார். அவினாசி ஒன்றியத்துக்கு உட்பட்ட 36 கிராமங்களைச் சேர்ந்த 1200 குடும்பங்களுக்கு இலவச செல்போன்களை ராசா வழங்கினார். நிகழ்ச்சியில் அவர் பேசுகையில், கடந்த இரண்டு ஆண்டுகளில் தொலைபேசி மற்றும் செல்போன் பயன்படுத்துபவர்களின் எண்ணிக்கை 70 கோடியாக உயர்த்தப்படுவதற்கு நடவடிக்கை எடுக்கப்பட்டது என்றார்.

CWG-call-girls-2010

காமன்வெல்த் கேம்ஸ் ஊழலுக்கு மட்டுமல்லாது, விபச்சாரத்திற்கும் புகழோடு விளங்குகிறது. காங்கிரஸ்காரர்கள் கொண்டாட்டத்துடன் இருக்கிறார்கள். என்னத்தான் ஊழல் என்று அனைவரும் கத்தினாலும், முதலில் விளையாட்டுகள் நடக்கவேண்டும், பிறகு, சம்பந்தப்பட்டவர்கள் கடுமையாகத் தண்டிக்கப்படுவார்கள் என்று, திரும்பத்திரும்பச் சொல்லிவருகிறார்கள். மணி சங்கர் ஐயரே, காமன்வெல்த் கேம்ஸினால் விபச்சாரம் பெருகும் என்று வெளிப்படையாகச் சொல்லியிருக்கிறார்[1].

CWG-c-girls-2010

சோனியா பெய்னோவே இதைப் பற்றிக் கவலைப்படவில்லை: ஊழலைப்பற்றி, சோனியா அம்மையார், ஏதோ பயங்கரமான நடடிக்கை எடுப்பார் என்றெல்லாம் பேசினார். ஆனால், உப்புச்சப்பில்லாமல், அறிக்கைவிட்டு அமைதியாகிவிட்டார் அம்மையார்[2]. இத்தாலியில் இருந்ததால், இதைப்பற்றி ஒன்றும் கவலைப்பட்டதாகத் தெரிவில்லை.

CWG-Garstin-Bastion-Road

அயல்நாட்டவர்களைத் திருப்தி படுத்த விபச்சாரிகள்: டில்லியில் பல அயல்நாட்டவர்கள் வருவதினால், அவர்களுக்கு போதிய விபச்சாரிகள் கிடைப்பதற்கு கஷ்டமாகி விடும் நிலையுள்ளதாம். இதனால், கிழக்கு ஐரோப்பிய நாடுகளினின்று 25,000ற்கும் மேற்பட்ட விபச்சாரி அழகிகள், சுற்றுலா விசாவில் வர ஆரம்பித்துவிட்டார்களாம்! விளையாட்டு வீரர்கள், கோட்சுகள், அதிகாரிகள் என அயல்நாடுகளினின்று வருபவர்கள் கூடேயே “எஸ்கார்ட்ஸ்” என்ற போர்வையிலும் அத்தகைய விபச்சார்கள் வருகிறார்களாம்[3]. ஒருவருடன் ஐந்து பெண்கள் வரை அனுமதிக்கப்படுகிறார்களாம்[4].

ஒரு ராத்திரிக்கு ரூ.15,000/-: ஒரு ராத்திரிக்கு ரூ.15,000/- கேட்கிறர்களாம். ஐந்து நட்சத்திர ஓட்டல்களில், இந்த விபச்சாரம் வெளிப்படையாக நடக்கிறதாம்! இந்த செக்ஸ் வேலையாட்கள் உக்ரைன், ஜியார்ஜியா, கஸஜஸ்தான், உஸ்பெகிஸ்தான், அஜர்பைஜான், செசன்யா, கிரிகிஷ்தான் போன்ற நாடுகளினின்று வந்திருக்கிறார்கள்[5]. பழைய டில்லியில் ஜி. பி. ரோடில் 84 விபச்சார விடுதிகள் உள்ளன. அவை இப்பொழுது, புதுப்பிக்கப்பட்ட்டு, வாடிக்கையாளர்களுக்காகத் தயாராக இருக்கின்றன[6].

[2] http://sify.com/news/guilty-will-be-punished-after-cwg-sonia-news-national-kitrEdidejb.html

[3] http://www.zopag.com/news/indias-sexworkers-all-set-for-commonwealth-games/8653.html

[4] http://pakistankakhudahafiz.wordpress.com/2009/10/21/india-set-to-hold-mega-prostitution-extravaganza-thru-19th-commonwealth-games/

[5] http://www.expressindia.com/latest-news/Police-gear-up-for-influx-of-sex-workers-during-CWG/644950/

[6] http://www.hindustantimes.com/Brothels-get-a-facelift-ahead-of-CWG/Article1-550705.aspx

ஜெயலலிதா ஒன்றும் இல்லையென்றால், கருணாநிதி எதற்கு விளக்கம் அளிக்கவேண்டும்? “விலைவாசி உயர்வுக்கும், பெட்ரோலியப் பொருட்களின் விலை உயர்வுக்கும் முக்கிய பொறுப்பு, மத்திய அரசுக்குத் தான் உண்டு’ என, அ.தி.மு.க., பொதுச் செயலர் ஜெயலலிதாவின் குற்றச்சாட்டுக்கு, முதல்வர் கருணாநிதி விளக்கம் அளித்துள்ளார். அவரது அறிக்கை:

“ஜெயலலிதா தனது கோபப் பேச்சில் பெரும் பகுதியை விலைவாசி உயர்வு பற்றியும், பெட்ரோலியப் பொருட்களின் விலை உயர்த்தப்பட்டது பற்றியும், அதனால் மற்ற பொருட்களின் விலை உயருகின்றன எனவும் சொல்வதற்கே செலவிட்டிருக்கிறார். விலைவாசி உயர்வுக்கும், பெட்ரோலியப் பொருட்களின் விலை உயர்வுக்கும் முக்கிய பொறுப்பு, மத்திய அரசுக்குத் தான் உண்டு. மாநில அரசுக்கு ஓரளவு தான் பொறுப்பு என்பது, சாதாரண அரசியல்வாதிக்கு கூட தெரிந்த ஒன்று. ஆனால், விலை உயர்வுக்கு காரணமான மத்திய அரசு பற்றியோ, அந்த அரசின் முக்கிய பொறுப்பேற்றுள்ள காங்கிரஸ் பற்றியோ ஒரு வார்த்தை கூட ஜெயலலிதா பேசவில்லை என்பதிலிருந்து, அவரது உள்ளக்கிடக் கையை புரிந்துகொள்ளலாம். நாம் புரிந்துகொள்வதை விட, காங்கிரசோடு தி.மு.க., தோழமையாக இருப்பதால் தான், உறவு கொள்ள முடியாத நிலை என சொல்லும் இடதுசாரி நண்பர்கள் புரிந்துகொள்ள வேண்டும்.

விலைவாசி உயர்வு என்பது, வளர்ந்து வரும் பொருளாதாரத்தில், பொதுவாக எல்லா நாடுகளிலும் உள்ள ஒன்று தான்: இப்படியெல்லாம் செய்து  இடதுசாரிகளை ஏமாற்ற நினைக்கலாம்; கட்சித் தொண்டர்களை ஏமாற்ற நினைக்கலாம். ஆனால் சோனியாவை பற்றி ஜெயலலிதா, “பதி பக்தி இல்லாதவர், இந்தியாவை ஆளத் தகுதியற்றவர்’ என்றெல்லாம் விமர்சனம் செய்ததை, காங்கிரஸ் நண்பர்கள் அவ்வளவு சுலபமாக மறந்திருக்க மாட்டார்கள். விலைவாசி உயர்வு என்பது, வளர்ந்து வரும் பொருளாதாரத்தில், பொதுவாக எல்லா நாடுகளிலும் உள்ள ஒன்று தான். இது, உலக அளவில் இருந்து கொண்டு தான் உள்ளது. அதே நேரத்தில், மக்களின் வாங்கும் சக்தியும் பெருகி வருகிறது என்பதையும் ஒப்புக்கொள்ளத் தான் வேண்டும். ஜெயலலிதா ஆட்சிப் பொறுப்பேற்ற 2001ம் ஆண்டு முதல் அரிசி, துவரம் பருப்பு, கடலை எண்ணெய், நல்லெண் ணெய், தேங்காய் எண்ணெய், புளி ஆகியவற்றின் விலை ஆண்டுக்காண்டு உயர்ந்துகொண்டு போனது. இவ்வாறு விலை உயர்ந்தபோது, இப்போது தி.மு.க., அரசு எடுத்துள்ள நடவடிக்கை போல இந்த அம்மணியின் ஆட்சியிலே எடுக்கப்பட்டது உண்டா? பொது வினியோகத் திட்டத்தில் வழங்கப்படும் அரிசியைப் பெற்று, ஒவ்வொரு நாளும் வயிறார பசியாறும் தமிழக ஏழை எளிய மக்கள், அரிசியின் தரம் என்ன, அதைப் பற்றி விமர்சிக்கும் ஜெயலலிதாவின் தரம் என்ன என்பதை, நன்றாகவே புரிந்து வைத்திருக்கின்றனர். இவ்வாறு கருணாநிதி தெரிவித்துள்ளார்.

நாகநாதனுக்கு நன்றி சொல்லவேண்டும்: கருணாநிதி பெரிய பொருளாதார நிபுணராக மாறி வருவதற்கு நாகநாதனுக்குத் தான் நன்றி சொல்லவேண்டும். இனி கருணாநிதிக்கு, எப்படியும் ஒரு நோபெல் பரிசு உறுதியாகி விட்டது! ஒன்று இலக்கியம் அல்லது பொருளாதாரம்!

சுற்றுலா விபச்சாரம்: புதுடில்லி : காமன்வெல்த் போட்டிகளையொட்டி, டில்லியில் அதிக அளவில் சுற்றுலா என்ற பெயரில் அழகிகள் வந்து, அதனால் ஏற்படவிருக்கும் விபசாரத்தை ஒழிக்க போலீசார் தீவிர நடவடிக்கை மேற்கொண்டுள்ளனர். டில்லியில், காமன்வெல்த் போட்டிகள் வரும் அக்டோபர் மாதம் துவங்குகிறது. விளையாட்டுப் போட்டிகளில் பங்கேற்கவும், போட்டிகளை கண்டுகளிக்கவும் உள்நாடு மற்றும் வெளிநாடுகளில் இருந்து லட்சக்கணக்கான பார்வையாளர்கள், டில்லிக்கு வருகை தருவர் என எதிர்பார்க்கப்படுகிறது.

எய்ட்ஸ் இறக்குமதி: இறக்குமதி செய்யப்பட்ட வியாதிகளில் சிறப்பாக எய்ட்ஸ் உள்ளது. இதற்காக கோடிகள் பணமும் கொடுக்கப் படுகிறது. ஆக ஒரு பக்கம், போட்டிகள், தமாஷாக்கள், ஃபேஷன் ஷோக்கள்,……….. முதலியன இறக்குமதி செய்யப்படுகின்றன. போட்டிகள், தமாஷாக்கள் கூட அழகிகள், அழகில்கள் கூட எய்ட்ஸ்………………முதலியன வருகின்றன என்றால், முதலில் அந்த நோய்-மூலங்களைத் தடுக்கவேண்டும்.

இறக்குமதி செய்யப்படும் போட்டிகள், தமாஷாக்கள் போல அதையும் இறக்குமதி ஆகும் போது தடுக்கமுடியுமா? போட்டிகள் துவங்க இன்னும் மூன்று மாதங்களே உள்ள நிலையில், டில்லியில் விபசாரத்தை ஒழிக்க போலீசார் தீவிர நடவடிக்கை மேற்கொண்டுள்ளனர். போலீசாருடன் இணைந்து தனியார் தொண்டு நிறுவனங்கள், பயண ஏற்பாட்டாளர் கூட்டமைப்பு (ஐ.ஏ.டி.ஏ.,) ஆகியவை ஈடுபட்டுள்ளன. பயண ஏற்பாட்டாளர் கூட்டமைப்பின் தலைவர் விஜய் தாகூர் கூறியதாவது:

“வெளிநாடுகளிலிருந்து சுற்றுலா விசாவில் விபசார அழகிகள், டில்லிக்கு வருகை தருவர்; அவர்களை கண்டுபிடிப்பது கடினம். எனினும், வெளிநாடுகளிலிருந்து அழகிகள் வருவதைத் தடுக்க கண்காணிப்பு பணிகளை தீவிரப்படுத்த வேண்டும். “செக்ஸ் தொழிலாளர்கள் ‘ என்று அழைக்கப்படும் இவர்கள் பல்வேறு நாடுகளில் முறைப்படி “விசா” பெற்று இங்கு வந்து தங்க வாய்ப்புகள் அதிகம்.

“உக்ரைன், ஜார்ஜியா, கஜகஸ்தான், உஸ்பெகிஸ்தான், அசர்பெய்ஜான், செசன்யா மற்றும் கிர்கிஸ்தான் போன்ற நாடுகளிலிருந்து தான், அதிகமான அழகிகள் வருவர். எனவே, அந்த நாடுகளிலிருந்து வரும் சுற்றுலா பயணிகளின் ஆவணங்களை தீவிர சோதனை நடத்த வேண்டும். இதேபோன்று, ஓட்டல் நிர்வாகங்களும் ஒத்துழைப்பு அளிக்க வேண்டும்.

“வெளிநாடுகளிலிருந்து மட்டுமின்றி, இந்தியாவின் பல்வேறு மாநிலங்களில் இருந்தும் ஏராளமான இளம்பெண்களை கடத்தி வந்து, விபசாரத்தில் தள்ளும் வாய்ப்பும் உள்ளது. மேலும், வெளிநாடுகளில் இருந்து வரும் செக்ஸ் தொழிலாளர்களுக்கு எய்ட்ஸ் பரிசோதனை செய்யவும் மத்திய உள்துறை மற்றும் வெளியுறவுத் துறை அமைச்சகங்களை வலியுறுத்தியுள்ளோம்”, இவ்வாறு விஜய் தாகூர் கூறினார்.

காமன்வெல்த் போட்டிகள் – காமன்ஹெல்த் போட்டிகள் என்று மாற்றலாமா? ஆக விபச்சாரம் முறைப்படி, ஏற்படுத்தப்பட்ட-நிருவப்பட்ட தொழிலாக இருக்கும்போது, எதற்காக இத்தகைய இறக்குமதி செய்யப்படும் போட்டிகள், தமாஷாக்கள் முதலியன நடத்தப்படவேண்டும்?

1. வெளிநாடுகளிலிருந்து சுற்றுலா விசாவில் விபசார அழகிகள், டில்லிக்கு வருகை தருவர்; அவர்களை கண்டுபிடிப்பது கடினம். எனினும், வெளிநாடுகளிலிருந்து அழகிகள் வருவதைத் தடுக்க கண்காணிப்பு பணிகளை தீவிரப்படுத்த வேண்டும்.
2. “செக்ஸ் தொழிலாளர்கள் ‘ என்று அழைக்கப்படும் இவர்கள் பல்வேறு நாடுகளில் முறைப்படி “விசா” பெற்று இங்கு வந்து தங்க வாய்ப்புகள் அதிகம்.
3. வெளிநாடுகளிலிருந்து மட்டுமின்றி, இந்தியாவின் பல்வேறு மாநிலங்களில் இருந்தும் ஏராளமான இளம்பெண்களை கடத்தி வந்து, விபசாரத்தில் தள்ளும் வாய்ப்பும் உள்ளது.
4. மேலும், வெளிநாடுகளில் இருந்து வரும் செக்ஸ் தொழிலாளர்களுக்கு எய்ட்ஸ் பரிசோதனை செய்யவும் மத்திய உள்துறை மற்றும் வெளியுறவுத் துறை அமைச்சகங்களை வலியுறுத்தியுள்ளோம்

http://thatstamil.oneindia.in/news/2010/07/07/woman-accused-mercy-killings-aruppu.html

http://www.dailythanthi.com/article.asp?NewsID=578624&disdate=7/7/2010

விருதுநகர்: நோய்வாய்ப்பட்ட முதியவர்களை, அவர்களது குடும்பத்தினரின் வேண்டுகோளி்ன்படி விஷ ஊசி போட்டு ‘கருணை’ கொலை செய்ததாக மருத்துவமனை பெண் துப்புறவு தொழிலாளி மீது குற்றம் சாட்டப்பட்டுள்ளது.  விருதுநகர் மாவட்ட சி.ஐ.டி.யூ. தலைவரான அசோகனின் உறவினர் செல்வராஜ் (60), உடல் நிலை பாதிக்கப்பட்டு சில தினங்களுக்கு முன் இறந்தார். அசோகனுக்கு அருப்புக்கோட்டையைச் சேர்ந்த பாத்திமா என்ற பெண் ஊசி போட்டதைத் தொடர்ந்து அவர் இறந்தது தெரியவந்தது. இதையடுத்து அந்தப் பெண் குறித்து அசோகன் விசாரித்தபோது திடுக்கிடும் தகவல் கிடைத்தது.

நோய்வாய்ப்பட்ட முதியவர்களை அவர்களது உறவினர்களின் வேண்டுகோளுக்கிணங்க ஒரு தொகையைப் பெற்றுக் கொண்டு பாத்திமா அந்தப் பெண் விஷ ஊசி போட்டு ‘கருணை’ கொலை செய்து வருவதாகத் தெரியவந்தது.  இதையடுத்து உடனடியாக விருதுநகர் மாவட்ட கலெக்டர், மாவட்ட எஸ்பி மற்றும் முதல்வரின் தனிப் பிரிவுக்கு புகார் மனு அனுப்பினார் அசோகன். இதைத் தொடர்ந்து செல்வராஜின் மரணம் குறித்து வழக்குப் பதிவு செய்ய அருப்புக்கோட்டை போலீசாருக்கு உத்தரவிட்ட எஸ்.பி பிரபாகரன் , நேரடியாக அருப்புக்கோட்டைக்கும் சென்று விசாரணை நடத்தினார். ஊசி போட்டு கொல்லப்பட்டதாக கூறப்படும் செல்வராஜின் மகன் சந்திரன் உள்பட அவரது உறவினர்களிடம் விசாரணை நடத்தினார்.

ஊசி போட்டதாகக் கூறப்படும் அருப்புக்கோட்டை நகராட்சி காலனியைச் சேர்ந்த பாத்திமாவிடமும் விசாரணை நடத்தப்பட்டு வருகிறது. பாத்திமா அருப்புக்கோட்டையில் ஒரு தனியார் மருத்துவமனையில் துப்புரவு தொழிலாளியாக பணியாற்றி வருகிறார். தனது வீட்டில் வைத்து காய்ச்சல், தலைவலி என்று வரும் நேயாளிகளுக்கு ஊசி போட்டு, மருந்துகள் கொடுத்து வந்துள்ளார். செல்வராஜுக்கு போடப்பட்டதாகக் கூறப்படும் மருந்தை பாத்திமாவிடமிருந்து போலீசார் கைப்பற்றியுள்ளனர். அவரிடம் தொடர்ந்து விசாரணை நடந்து வருகிறது. அவர் விஷ ஊசி போட்டது உறுதியானால் கைது செய்யப்படுவார் என்று போலீஸ் வட்டாரங்கள் தெரிவிக்கின்றன.

விஷ ஊசி போட்ட விவகாரம் சந்தேக மரணமாக வழக்குப்பதிவு

http://www.dinamalar.com/News_Detail.asp?Id=34777

அருப்புக்கோட்டை (07-07-2010):அருப்புக்கோட்டை அருகே ஊசி போட்டு தந்தையை மகனே கொன்றதாக கொடுத்த புகாரில், சந்தேக மரணமாக போலீசார் வழக்கு பதிவு செய்துள்ளனர்.விருதுநகர் மாவட்ட சி.ஐ.டி.யு., மாவட்ட தலைவர் அசோகன், பிரபாகரன் எஸ்.பி.,யிடம் கொடுத்த புகார் மனுவில் கூறியதாவது: எனது தாய்மாமன் ஜெயராஜ் (79), அருப்புக்கோட்டை ராமசாமிபுரத்தில் உள்ள அவரது வீட்டில், ஜூன் 30ம் தேதி இறந்துவிட்டார். இவரது மரணத்தில் சந்தேகம் இருக்கிறது. அவருடைய மகன் சந்தானம், மற்றும் அவரின் நண்பர்கள் கோவிந்தன், சந்தி வீரன், அவரின் மனைவி பாத்திமா உதவியுடன் விஷ ஊசி போட்டு கொன்று விட்டதாக, எவர் தெரிவித்தார். இதுகுறித்து அருப்புக்கோட்டை டவுன் ஸ்டேஷனுக்கு வந்து, புகாரில் குறிப்பிட்டவர்களிடம் எஸ்.பி., விசாரித்தார். இதில் எந்த தெளிவும் ஏற்படாத நிலையில், சந்தேக மரணமென வழக்குப்பதிவு செய்து, தொடர்ந்து விசாரணை நடத்தி வருகின்றனர்.

http://www.dinamalar.com/News_Detail.asp?Id=33676

உலக வங்கியில் கடன் வாங்கி குவித்தார் முதல்வர் ! சென்னை: தமிழக அபிவிருத்தி திட்டத்திற்காக உலக வங்கியிடம் சுமார் 3 ஆயிம் கோடிகளை மேலும் கடன் வாங்கினார் தமிழக முதல்வர் கருணாநிதி. ஏற்கனவே பல கோடிக்கணக்கில் நடந்த அபிவிருத்தி பணிகள் தவிர்த்து கூடுதலாக சுகாதாரம் மற்றும் சாலைப்பணிகள் மேம்பாட்டுக்கு இந்த நிதி வழங்கப்படும் என தமிழக அரசு தரப்பில் கூறப்பட்டுள்ளது. இது தொடர்பாக தமிழக அரசு வெளியிட்டுள்ள செய்திக்குறிப்பில் கூறப்பட்டிருப்பதாவது:

தமிழ்நாடு சுகாதாரத் திட்டம்: தமிழகத்தில் உலக வங்கி நிதியுதவியுடன் செயல்படுத்தப்பட்டு வந்த, தமிழ்நாடு சுகாதாரத் திட்டம் முதற்கட்டப் பணிகள் 2010 மார்ச்சுத் திங்களுடன் முடிவடைந்தன. இரண்டாம் கட்டமாக இத்திட்டத்தை மேலும் மூன்றாண்டு காலத்திற்குச் செயல்படுத்திட வேண்டுமென முதவர் கருணாநிதி மத்திய அரசு மூலம் உலக வங்கியைக் கோரியிருந்தார். அவரது கோரிக்கையை ஏற்றுக்கொண்ட உலக வங்கி, 627 கோடியே 72 லட்ச ரூபாய் மதிப்பீட்டில் 2013 செப்டம்பர் வரை மூன்றாண்டுகளுக்கு இரண்டாம் கட்டமாக தமிழ்நாடு சுகாதாரத் திட்டத்தைச் செயல்படுத்திட ஒப்புதல் அளித்துள்ளது. இதன் பயனாக, 564 கோடியே 94 இலட்ச ரூபாய் உலகவங்கி நிதியுதவியுடன் தமிழக அரசு ஏற்கும் 62 கோடியே 78 லட்ச ரூபாயும் சேர்ந்து மொத்தம் 627 கோடியே 72 லட்ச ரூபாய் மதிப்பீட்டிலான தமிழ்நாடு சுகாதாரத் திட்டத்தின் இரண்டாம் கட்டம் செயல் படுத்தப்படும். இத்திட்டத்தின்கீழ், மகப்பேறு மற்றும் குழந்தைகள் நலம், கருப்பைவாய்ப் புற்று நோய்த்தடுப்பு மற்றும் சிகிச்சைத் திட்டம், மார்பகப் புற்றுநோய்த் தடுப்பு மற்றும் சிகிச்சைத் திட்டம், இதய நோய்த் தடுப்புத் திட்டம், 108 அவசரகால ஆம்புலன்ஸ் சேவைத்திட்டத்திற்குக் கூடுதல் ஆம்புலன்ஸ் ஊர்திகள், அமரர் ஊர்தி சேவைத்திட்டம் போன்ற பல்வேறு திட்டங்களைத் தமிழகத்தில் செயல்படுத்துவதற்கான ஒப்பந்தம் இன்று கையெழுத்தானது.

நெடுஞ்சாலைகள் மற்றும் மாவட்ட முக்கிய சாலைகளைச் சீரமைத்தல்: அதேபோல, 1,670 கோடி ரூபாய் உலகவங்கி உதவியுடன் 490 கோடி ரூபாய் தமிழக அரசின் பங்கும் சேர்ந்து மொத்தம் 2 ஆயிரத்து 160 கோடி ரூபாய் மதிப்பீட்டில் தமிழகத்தில் 11 மாவட்டங்களை இணைக்கும் 13 புறவழிச்சாலைகளை உள்ளடக்கிய 725 கிலோ மீட்டர் நீளச்சாலைகளை மேம்படுத்துதல்; 1,033 கிலோ மீட்டர் நீளமுள்ள மாநில நெடுஞ்சாலைகள் மற்றும் மாவட்ட முக்கிய சாலைகளைச் சீரமைத்தல்; நெடுஞ்சாலைத்துறையின் நிறுவன அமைப்பை வலுப்படுத்தும் நடவடிக்கைகளை மேற்கொள்ளுதல் ஆகிய சாலை மேம்பாட்டுத் திட்டங்கள் நிறைவேற்றப்படுகின்றன. இத்திட்டத்திற்குக் கூடுதல் நிதி உதவி வழங்கி, 2012ஆம் ஆண்டு வரை தொடர்ந்து செயல்படுத்திட வேண்டுமென முதல்வர் கருணாநிதி விடுத்த கோரிக்கையை உலக வங்கி ஏற்றுக்கொண்டு 232 கோடியே 67 லட்சம் ரூபாய் கூடுதல் நிதி வழங்கிட ஒப்புதல் அளித்துள்ளது.

கடன் ஒப்பந்தங்கள் கையெழுத்தாயின: அதன் தொடர்ச்சியாக தமிழக அரசும் 49 கோடி ரூபாய் கூடுதல் நிதி வழங்குகிறது. இதன் காரணமாக, 1,903 கோடி ரூபாய் உலக வங்கி நிதியும், 539 கோடி ரூபாய் தமிழக அரசின் நிதியும் சேர்த்து மொத்தம் 2 ஆயிரத்து 442 கோடி ரூபாய் திருத்திய திட்ட மதிப்பீட்டில் 31.3.2012 வரை இத் திட்டங்களைச் செயல்படுத்துவதற்கான ஒப்பந்தம் இன்று கையெழுத்தானது. முதல்வர் கருணாநிதி முன்னிலையில் இன்றுநடைபெற்ற இந்த இரண்டு ஒப்பந்தங்களுள், தமிழ்நாடு சுகாதாரத்திட்டம் குறித்த ஒப்பந்தத்தில் மத்திய அரசின் சார்பாக அதன் நிதித்துறை இணைச்செயலாளர் அனூப் பூஜாரி, தமிழக அரசின் சார்பாக மக்கள் நல்வாழ்வு மற்றும் குடும்ப நலத்துறைச் செயலாளர் வி.கு. சுப்புராஜ், உலக வங்கியின் சார்பில் அதன் முதுநிலை பொது சுகாதார வல்லுநர் பிரீத்தி குடேசியா ஆகியோர் கையொப்பம் இட்டனர்.

சாலை மேம்பாட்டுத்திட்டம் தொடர்பான ஒப்பந்தத்தில் மத்திய அரசின் சார்பாக அதன் நிதித்துறை இணைச் செயலாளர் அனூப் பூஜாரி, தமிழக அரசின் சார்பாக நெடுஞ்சாலைத் துறைத் துறைச் செயலாளர் சந்தானம், உலக வங்கியின் சார்பில் அதன் முதுநிலை பொது சுகாதார வல்லுநர் பிரீத்தி குடேசியா ஆகியோரும் கையெழுத்திட்டனர். நிகழ்ச்சியின் போது, அமைச்சர்கள் எம்.ஆர்.கே. பன்னீர் செல்வம், வெள்ளக்கோவில் சாமிநாதன், உள்துறை முதன்மைச் செயலாளர் ஞானதேசிகன், நிதித்துறை முதன்மைச் செயலாளர் சண்முகம், மக்கள் நல்வாழ்வுத் துறையின் சிறப்புச் செயலாளரும், தமிழ்நாடு சுகாதாரத் திட்ட இயக்கு நருமாகிய முனைவர் விஜயகுமார், நிதித்துறை சிறப்புச் செயலாளரும், தமிழ்நாடு சாலை மேம்பாட்டுத் திட்ட இயக்குநருமாகிய தியாகராஜன், மற்றும் உயர் அதிகாரிகள் உடனிருந்தனர்.இவ்வாறு அதில் கூறப்பட்டுள்ளது.

மக்களுக்கு, மக்கள் நலனிற்கு உண்மையாக எத்தனை கோடிகள் சென்றடையும்? இதெல்லாம் சரிதான், ஆனால் இத்தனை கோடிகளில் எத்தனை மக்களின் நலனிற்க்காகச் செல்லப்போகிறது, எத்தனை கோடிகளை கழகக் கண்மணிகள் அமுக்கப் போகின்றன என்பதனையும் சொல்லிவிட்டால் நன்றாக இருக்கும். இத்தனை கோடிகள் கடனாகப் பெற்றால், யார் செல்லுத்தப் போவது? கோடிகளில் கமிஷன் பெற்று பயனாளிகளாக வாழ்க்கையை அனுபவிக்கப்போவது, ஆர்டர்கள் பெறும் கழகக் கண்மணிகள்தாம்! பிறகு மக்களுக்கு என்னக் கிடைக்கப் போகிறது?